ОФ "Международная Академия
Культурного и Экономического
Сотрудничества
"Новый Шелковый Путь"

«Җысы чигуэ сычин» Чи тянди югуй

18.04.2022

   Саймон Уилсон – Великобританияди юҗуанжын, та хасы видео-блогер 5 тян литу, 9 сышын лин 3  фынҗунни ба 50 чян гунли, ба чигә мёчёди дифон лонли йигә гуәр.Чўгуә лёнгә санзы дэ йито йифу зэмусы суй пибо, җощёнҗи зэ данлинди са ду мә на. Саймон йигә йичи литу лёнтян цэ зэ кидян дэ сандун литу фиҗёлэ. Дуәйибанзы сыҗе та зэ фиҗи,  чичә литу лян фиҗё дэ чыли.   
   Саймонди югуй  да  фынчуан чонзы  04:45 сыҗешон дали турли.  Щянчян фидо Рим зыху доли  Колизей зу да нэтар кә доли  Египет, зэ кидянни  щехуанли 5 сышын та ба пирамида дэ Сфинкс юҗуанди лонли. Зыху фиҗи луәло Иорданияли зу зэ сандунни на 46 евро фили йиҗё. Ди сытянди юҗуан нэйтян та фидо Индияли. Йинви зэ Агра кан Тадж-Махал, та 4 сышын зуәди чичә цэ зу доли.  Зэ бовуган лонли 1 сышын Саймон вон Пекин  шушы зули лян лон дэ канли «Вида Җунгуй Чын чёнли». Ди лю тянди юҗуан та зу доли  Майяди Чиче – Ицу- мёчи вуминили.   Зу да нэтар доли Рио – де – Жанейроли. Байүәниди йиршон та җуанхуэйлё зыҗиди Зўгуйли.
   Юҗуан жын зыҗи фәди: «Вә зыҗи  бу щинфу, ба җыгә юҗуан  юсы кан дэ лонли».  Дин дади җун-ёсы – да җыгә юҗуан ги зыҗи ба сынхуәди йиче хочў, щин тэпин ниму зу җидо щиннили.