ОФ "Международная Академия
Культурного и Экономического
Сотрудничества
"Новый Шелковый Путь"

Минзўди Щёнхо – замуди да бобый

24.12.2019

Хазахстан – җысы ю да нынгуди гуйту. Тади лисы тэ чондихын  зэмусы ю фугуй куйчын дэ лийини. Зу да тади димяршон  гуәли Вида Чузыди лўдоли.

Щүандинди Хазахстансы – Дўли гуйту,  лян вындинди җинҗи (стабильная экономика) зэмусы җёнлэди җихуа (планы на будущее).  

  Минзўди Щёнхосы - замуди да җинҗон. Җыгә җинҗон ги жынму гиди да бонцу җё таму щинэ зэмусы вуданщүан (безопасность) Зўгуй, фаҗон минзўди Щёнхо. 

Замуди щинэ Хазахстан мый йигә минзў ю нынгу фаҗон зыҗиди йүян, куйчын дэ лийи. Заму йидани зусы - Хазахстанди минжын! 

Тэпин лян тунйи (согласие) до мый йигә жын гынчянсы дин ёҗинди. Йинви җыгә  йиче минзў щинфу җёнлэди гуонйинни. Җы зусы замуди гуйҗун Хазахстан: ю тэпинди, ю щёнходи, ю фуҗүди, ю зыюди (свободный), ю минзў дуәди  гуйту.

Җысыма, няннян до лайүә җунҗянни йиче жынму җейин Хазахстан Дўлиди җечидини. Таму зоди гәшы-гуёнди лудо ба җыгә җечи гощинди зу гуәли. Дин дади җечи – җысы Дахуэйди щёнхо. Ба җыгә җечи бу шә да гуйтума, суй щёнҗуонма ду җинщинди зу гуәдини.

Хазахстан гуйтуни җўди мощёр 130 минзўни – җысы хазах, вурус, хуэйзў, белорус, азербэҗян, украинжынму, грузияжынму, таҗик, татар зэ данлинди. Ё шәни йиче минзў йигә лян йигә ду щёнхо. Годын дэ җундын щүәтон, вава йүанзы, чынпу дэ щёнҗуонниди йиче жынму – ду җейин җыгә җечидини. Ба йиче минзўди куйчын дэ лийи таму лян щищүә дэ куади зыфәли. Лян тамуди йүян вынху жын, зыфә тамуди йифу, зыфә куйчын заму гуә җехун, заму шә мый зэмусы ба тамуди хуәфонни ю заён чыхә цощинди, гощинди ги лэхади кижынму лян зыфә дэ чон лян тёли.

Чынщин доще ги чуанлянҗяму, ги нёнлозыму, щүәсынму, ги суй ваваму лян йиче линшу жынму. Җё ни фихади җыщезы гункў фанчон зэ жынмуди щинниҗы, җё җыгә лён җингуон фанчон җолён замуди лўдо!