ОФ "Международная Академия
Культурного и Экономического
Сотрудничества
"Новый Шелковый Путь"

Радостная новость - Гощин щинсы

17.08.2021

 

Мый йигә жын зэ шыҗешон зо зыҗиди лўдони. Зу җыгә лўдо  ба та зу линдо зыҗиди  вонщён гынчянли. Ги юди жынму җыгә лўдо ю гуон, ю пинфә кәсы  ги юди жынму җыгә лўдо тэ винандихын. Жынму зу зоди заёнди банфа ба җыгә винан зу мангуәли. Дин ходи пинҗы зусы – йүндун (спорт).

Йүндун – җысы сынхуә, шуфу.  Йүндун ба замуди гуонйин зу чинщиндини. Мый йигә жын зэ йүндунни зу ба зыҗиди җун-ё ганбан зу  зоҗянни. Та тёён зэмусы фаҗон замуди бинщиндини. Зу лян йүндун йиданни заму зо хошо ляншумуни.  Дуәйибанзы жынму җыхур за зыҗиди гуонйин зэ мәю йүндун зу бу җыдоли заму вончян  ё зуни, билүн:  ти данзы (футбол), тицо (гимнастика), банҗё (борьба),  чүанҗи (бокс). Шыҗешон жынму зу кын җян заёнди йүндунни. Виса? Зусы йинви зыҗиди гончён, йинви зыҗиди бинщин, йинви зыҗиди җешы…

Җёнлян  (тренер) –  җысы ги заёнди пинпинму тёён йүндунди жын. Йиче ю миншынди  йүндунҗяму ги зыҗиди җёнлян ё дощени, йинви җёнлян ба йичеди лилён заншон, тянтар вумый цощинди ги таму лян шә  дэ зыфә заёнди пинпинди ёнфа.

Җыгә йинсын тэ миншын дади йинсын. Зусы таму ги йүндунҗя шә щинҗиди хуа дэ ба тамуди нынгу җё вончў щянни. Кәсы, җыгә  йинсын тэ винандихын, та лян зыҗиди йүндунҗяму йиданни юсы по, юсы  зу гәёнди лянщи. Чўгуә җыщезы та хан ё ба щинҗиди хуа дуәйи, дуәйи ё шәни, таму ё чынха җи пын-юни. Таму лёнгә йидани ё гощин дэ пәфанни. Җёнлянди дин дади вонщёнсы – ба дин годи шонхо дыйшонни.

Җёлян – җысы йүндунҗямуди да шоншы, зывон. Таму ду щён лян җёнлян йидани вончян шыканди зу, йигә ги йигә ги бонцу дэ данин лилён.

Җёнлян йисын – җысы да йүнчи, җысы щинэди зэмусы либулёди  йинсын!

Җиннян 2021 няншон җюйүә 16 йичыр до 19 зэ  Венгрия гуйни, Будапешт   чынни гуә ди 26  чүангун пинпин «Тэпинди Шонхо» «Кубок мира».

Зу зэ җыгә чүангун пинпинни замуди Шамиль Харбиеви Фушанло (2005 н), лян Исмиал Исмарович Люшанло (2006 н) е чини. Таму лёнгәди җёлян – Исмар Дянваевич Люшанло.   

Исмаил Люшанло да 9 суй зу чынха  йүндунҗяли. Мә кан тади суйфу, та кәҗя ба  гунхәгуә дэ  данлинди шонхо ду дыйшонли:

2017 год - Бронзовый призёр кубка мира, город Анапа (Крым) РФ.

2019 – 2021 г.г. - Двухкратный чемпион Казахстана.

2021 г. – Чемпион «Кубка Азии», Дружба народов в КР,  город Джалал – Абад.

Шамиль Харбиевич Фушонло да 7 суйшон зу чынха  йүндунҗяли.

Җысыма, тади шонхо е бу шо:

2016-2017 г.г. – Чемпион Кыргызстана, город Токмок.

2021 г. – Чемпион Казахстана в своей весовой категории, город Костанай.

2021 г. – Чемпион «Кубка Азии», Дружба народов в КР, г. Джалал - Абад

Җыхур заму ги таму сангә ё ги да бонцуни.  Жынму кын шә җымуди кугәр: «Даҗя шы цэ – хуәян го!». Чито даҗун, ги таму зу хо дувар,  чў лўшонди җёфи дэ панчан. Җё тамуди вонщён дэ зывон җё чынзуә зэмусы ба дин годи шонхо җё таму сангә ду дыйшон!