ОФ "Международная Академия
Культурного и Экономического
Сотрудничества
"Новый Шелковый Путь"

ТОКИО - 2020 ГОЩИН, ВОНЩЁН ДЭ ЗЫВОН

09.08.2021

 

Чийүәниди йиршон Токио ба XXXll - Олимпиадади фашу кэкэли.

Зэ да йүндунчонни ба Олимпиада хунлонлонди хуә фа теннис җыбын нүжын лян шыҗешон ту йигә  фаҗязы Наоми Осака зэмусы лян Жыбын (Япония) Хуонди (Император) Нарухито ба хуә җянчўәли зыху ба хуэй кэкэли. Йиче гуйтуму чи ба йүндунчон дабанди шызэ хокандихын.

Мощёр 206 гуйтуму шудо җыгә Олимпиадали, 12500 дуә фа йүндунди жынму щянли зыҗиди бынсыди, нынгули, ба 339 шонхо йүндунжын йиншон  зўли.

Гуон да Хазахстан 95 йүндунжынму зэ Токиоди Олимпиадади 27  ёнзы йүндун фашучини.

Хазахстан ту йихуэй зэ лён ёнзыди пинпинни щян зыҗиди лилённи - җысы ба санди зэмусы каратэ. Ба санди йүндунжын Ришат Хайбуллин лян вугә да каратэди жынму Дархан Асадилов, Нурканат Ажиканов, Данияр  Юлдашев лян лёнгә нүжын Молдир Жанбырбай дэ Софья Берульцева.

Тэ җун җуйзыди йүндун жынмусы Зульфия Чиншонло (55 г) лян Игорь Сон (61 г).

Зульфия Салахаровна Чиншанло - Хазахстан тэ җун җуйзыди нүжын зэ Токиоди  пинпинни ба ди сангә вифын җаншонли, дыйли тун шонхоли. Гунщи! Гунщи! Зэ гунщи!

Зульфия Чиншанлосы 1993 нян, чийүә 25 зэ Җунгуй Дяосань, Линлин дифоншон сын-ёнхади.

14 суйди сыхур  ба Зульфия чёдо Хазахстан гуйту тэ җун җуйзыди ( тяжелая атлетика) базы литули.

2009 няншон 16 суй та кәҗя ба дин дади миншын дыйшонли. Гиннес фубынзы литу ба Зульфияди шынли щешонли. Зульфия Чиншанло ба Илья Ильинди шынли ду лёгуәли.

Җыни доли Хазахстан тади җёнли Виктор Ни лян Зульфия Чиншанло чынха җи пын-юли. Виктор Ни ба Зульфия Чиншанлоди нынгу, бынсы дэ вонщён канлэли. Тади вонщён чынзуәли.  Зу да 2009  няншон до вуҗин Зульфия гуон дый заёнди шонходини. Җы зусы тади шынли дэ шонхо:

2009 г., 2011г., 2014 г., - Победительница чемпионата мира.

2009 - 2012 г.г, - Победительница чемпионата Казахстана.

2010 г., - Серебряный призер юношеских Олимпицских игр.

2010 - 2014 г.г, - Серебряный призер Азиатских игр.

2012 г., - лучшая тяжелоатлетка мира.

 

2012 г., - Почётный гражданин Алматинской области

2012 г., - Орден "Барыс"

2021 г., -  Бронзовый призёр Олимпицских игр.

Җысыма, җиннян зэ Токио ту йигә вифын зэ тэ җун җуйзыди сангә нанжынму дэ сангә нүжын дыйшонли.

Җунгуә тэ җун җуйзыди нанжын Ли Фабин ба ту йигә вифын нашонли. Та ба 313 (141+ 172) гунҗин җў чели, ди эргә выфын Индонезияди Эко Юли Ираван ба 302 (137  + 165)  гуҗин дыйшонли, ди сангә вифын Хазахстанди тэ җун җуйзыди Игорь Сон  ба 294 (131 + 163) гуҗин нашонли. Игорь Сон 1998 няншон, шыйиүә 16 зэ Уштобе Алмата җўни Хазахстан гуйту сын-ёнхади.

Нүжынму ту йигә вифын Хидилин Диас 1991 няншон, эрйүә 20 зэ Занбоанга Филлипин дифоншон сын-ёнхади. Та ба 224 ( 97+127) гунҗин җў челэди. Ди эргә вифын Җунгуәниди Ляо Цююнь  ба 223 ( 97+126) гунҗин дыйшонли. Ди сангә вифын Хазахстан Зульфия Чиншанло  ба 213 (90 + 123) гунҗин нашонли. На жәщин гунщи юминди заён минзўмуди жынму!

Зэ Хазахстанди җинчынни Нур- Султан  ба  Зульфия Чиншанло лян Игорь Сон  гощинди җейинли лёнгә йинщүнмули..

Ги таму лёнгәр Жанат Тусупбеков - тэ җун җуйзыди щехуэйди линшу жын ба чичә Toyota Camry, йүәзы дуангили.  Таму лёнгәр ги йиче җейин тамуди жынму гили йигә хуэйда - хан ё вончян шыканни ги щинэди Хазахстан ба дин годи шоншо вонщёнди ё дуангини. Җё ниди җыгә вонщён чынзуәлё, җё гончён дэ йүнчи фанчон суй ниму!

Токиоди Олимпиада байүә чў 8  цэ гуанли. Даҗун ду чито җё Хазахстанди йүндун жынму ба шонхо дуәйи, дуәйи дыйшон!