ОФ "Международная Академия
Культурного и Экономического
Сотрудничества
"Новый Шелковый Путь"

Щянсынму - нисы замуди да шоншы дэ зывон! Нет на земле важнее профессии медика!

28.06.2021

Шыҗешон ган җыгә йинсын ёҗинди мәюди. Щянсын – җысы тэнэди, чиннэди зэмусы щинэди жын.  Даҗун ги ниму,  бу шә тасы дэфума (врач), җе вавади нүдэфума (акушерка), йишыма (фельдшер), нүхўшыма (медсестра) були  висынйүанма (санитар)   на жәщин зэмусы йищин – йиҗи чынщин ги ниму доще!

Йищүә (медицина) – җысы цощин дади  зэмусы  ю хошо винанди йинсын. Йиче жынмуди гончён зэ тамуди шунини. Җыгә йинсын туфын-тусысы лян жынму ю йүанфа, ламә, шә щинҗиди хуа, щёнхо зэмусы лю да шын дэ цощин.

Виса ющёр винанни? Җысы ё ба бин щян зоҗян зыху ба  йүнди йүә дэ йүәҗын  ё пыйшонни. Ги  щянсынму бонмонди жын зусы нүхўшы (медсестра). Щянсынму ба бинжын тинли, канлиди зыху нүхўшыму ги таму ба йиче щехади йүә дэ йүәҗынму сыхуршон, цощинди җё дыйшонни.

Йищүәжынмуди җечи – шыҗешонди йиче минзўму, жынму люйүәниди ди сангә екшанбэ  җейин тамудини. Җысы заму даҗунди җечи! Йинви винанди, хэ бинди сыхур, таму щянсынму йидани лян заму шули тындунли.

Йиче хуэйзў щёнҗуонниди жынму фанчон на жәщин сыму дэ  доще ги ю миншынди щянсынму – С.С.Джинбаров, О.А.Бишанло, С.М.Машанло зэ данлинди.  Зу җочў тамуди зуәзун И.Л.Парса, М.Савурова, С.Дыва, Р. Чубазова, Т.М.Апаева, И.Айдыров,  З.Ю.Дыва, Д.В.Юбурова, С.Б. Щимарова, Р.Бибасова,  И.Лаахунов, И.Лиров,  С. Айдаров, Р.Фушанло, П.Машанло  С.Д.Машанло, Аида лян Замира Мадалинова,  У.Гарова, Хуалар лян Айша Воингуй, Р.Сушанло,  М.Эрва, Х. Вайсырова, М.Хурман, Р.Давуза, Л.Нурова, Салима лян Халима Динахунова, Ф.Зазазова, Ф.Машанло, Ф.Ларова, Р.Милосы      зэ хошо данлинди  фанчон  зы  вончян шыкандини.

Вуҗин гуонйиншон хошо шоннянму – җысы Эдир лян Рокия  Суров, Абдурахим Яров, Абдула Буваз, Айдир Бишанло,  Юнур Уджур, Рахи Гуаров, Исмаил Дауров,  Мадина Вансинвин, Мухамед  лян Алим Машанло, Эльвира Джумаева, Айша Иблазова, Арафат Харби, Рамазан Ваншанло,  Мубарек Хуров, Фериде Янгуй,   Али Буларов, Р. Лоу,  Мухамед Вонсинвун, Малика лян Камила Вансинвин, ги фаҗон зэмусы каншу гончёнди сычиншон лю дашындини. Таму зоди заёнди банфа  щищүә щин лўфу кан бин дэ каншу дин ёҗинди – гончён. Бу шә лўчон йүан, хошоди шонняму зэ вэгуйни дый данин годын җышыли.

Чынщин доще ги Хусей Шимарович Дауров – хуэйзў щехуэйди линшу жын. Няннян та вон Җунгуй  дафа хошо шоннянму җё дый годын җышычини. Сы нян туни 2017 няншон  җыщезы ваму да Хазахстан, Узбекистан, Россия, Хырхызстан доли  Җунгуй Йищүә годын щүә литу дўли фули – җысы  Мария Сурова, Расул Янтузов, Рахим Юсупов, Расул Харсанов, Хусейн Санжуров, Даудэ Нува, Исхаева Зульфия, Замира Мусарова, Лугмар Лайчинов, Зухра Губе, Мухамед Санва, Шакир Харсанов, Хадича Мадаминова, Ислам Мадаминов, Хемми Быйҗонгуйди.

  Йиче шонняди вонщёнму ба годын җышы дыйшон ги даҗун бонмон каншу гончён.  Ни зусы замуди да шоншы, замусы да вонщён дэ зывон!

Җыгә җечишон ба ниму, Йищүәжынму, на жәщин гунщи! Панвон шыҗеди пиннан - вусы, тэпин, щёнхо! Хуәшонди да чынгун! Җё ниди вонщён фанчон чынзуәлё!  

Ухуар Сыва